Saturday, January 21, 2012

මගෝඩි මැණිකා

මේකත් අර මගෝඩි මැණිකාගෙ කතන්දර ටිකක්.. මගෝඩි මැණිකා එපිසොඩ් 1ක කියෙව්වෙ නැත්නම්.. හොයාගෙන බලන්න.. මේ ලිපියට පස්සෙ, ලිපියට, පස්සෙ ලිපිය :D :D (link එක දැම්මාම මුං කම්මැලි වෙනවා) :D

මං කිවානෙ මේ මැණිකා කියන පොර රටෙ හැම තැනකම වගේ එක එක රස්සාවල් කරලා තියෙනවා කියලා, ඒ රස්සාවල් අතරට එකතු වෙන්න ඔනි තව එකක් තමා මූ "සුදුවා" පෙරලා.. එහෙම නැත්නම් ඔය කවුරුත් දන්න "කසිප්පු"
           ඔය කසිප්පු පෙරන එකත් ලොකු ගේමක් දීලා කරන්න ඔනි ජොබ් එකක්නෙ.. ඒ වගෙම හැම අතින්ම දක්ශ වෙන්ඩ ඔනි, තාක්ශණික දැනුම, කිරුම් මිණිම් කටයුතු, වගේම මලල ක්‍රීඩා වලට දක්ශ වෙන්න ඔනි, 
තාක්ශණික දැණුම ඔනි වෙන්නෙ ඕවා පෙරන ක්‍රියාවලියට..  කිරුම් මිණුම් වැඩ ඔනි වෙන්නෙ. ඕවා පෙරද්දි දාන මැරිච්ච සත්තු, නරක් වෙච්ච පළතුරු, සීනි වගේ දේවල් කිරලා මැණලා දානෙක..
දැන් ඉතිං මේක කියවන අපේ ටියුබ් ලයිට් බබාලා බලනවා ඇති මොකටද මේ  මලල ක්‍රීඩා ඔනි වෙන්නෙ කියලා..  ඔය මලල ක්‍රීඩා වලිං මේකට අවශ්‍ය වෙන්නෙ දෙජාතියයි.. ඒ තමා ගම හරහා දිවීම ඉසව්ව හා බර ඉසිලීම ඉසව්! ගම හරහා දුවන්නෙ ඉතිං කාකි කබායක් දැක්කොත් කියලා අමුතුවෙන් කියන්ඩ ඔනි නැනේ.. බර උස්සන්න ඔනි වෙන්නෙ ඔය පෙරන ජාති  කිසි ගේමක් නැතව උස්සං එහා මෙහා යන්න.. ! ඔය කාකි කබා නැතිව නිකං සරං කෑල්ලක් ගහන් එන අයත් ඉන්නවාලු.. ඒවා නම් ඔට්ටු නෑ නේද ?
ඔන්න වැඩ බැරි උනත් ගම ගාල්ලෙ කියලා, නරක කෝචොක් කරන උන්ට හූවක් තියලා පස්ස පැත්ත කරකවලා පෙන්නන්න පුලුවං මට දැන්..! මේ ලගදි පත්තරෙ තිබ්බා අපේ ගම කිට්ටුව ඉස්කොලෙක පරන ටොයිලට් වලක කසිප්පු වගයක් තිබිලා අහු උනා කියලා.. (නැනැ කසිප්පු වල ඇතුලෙ ඉදන් පෙරලා නැ.. පෙරපුවා හංගලා තියෙන්නෙ වල ඇතුලේ)
ඒකෙ හොදම හරිය වෙන්නෙ මෙතෙක් කල් පාරම්පරිකව ආපු තඹ බට තාක්ශණය වෙණුවට මිලෙන් අඩු රේඩිරේටර් වගයක් භාවිතා කරලලු සිසිලන වැඩ වලට.. කෝම කලාද කියලා නම් මම් දන්නැ ඔන්න..!
     දැන් තාම මාරම සීං එක වෙන්නෙ.. මේ කතාවට කසිප්පු කතාවක් ආවෙ කොහොමද ? ඒක ගනන් ගන්න එපා ඒක වෙනම කතාවක්.. ඔය දන්නැති උදවියට දැනගන්න තමා කීවෙ.. මේවා බලලා google කරලා එහෙම හොයනවා නෙවෙ කසිප්පු පෙරන්න ඕං!! :D
දැන් ඔයා ඔය කසිප්පු සීං එක හිතෙන් අයින් කරගන්ඩ හරිද.. මොකද මං කතාව කියන්න යන්නෙ..

ඔන්න අපේ කතා නායකයා.. කවුද ? කසිප්පු ? නැඈඈඈඈඈඈඈ...  මැණිකා මැණිකා..! ඉතිං ඔන්න ඔය මැණිකා උන්නාලු පිටකොටුවෙ පෙව්මන්ට් එකේ කඩේක..  හරිද ? ඉතිං මේකා  කරන තරමක් කරන්නෙ මගෝඩි වැඩනේ... ඔන්න දවසක් මේකලාට බොන්න නෑලු, නුවරින් ඇවිත් පෙව්මන්ට්‍ එකෙ බඩු විකුණන උං සෙට් එකක් ඉන්නවාලු.. මුං බොන්නෙ හොද හොද ස්පෙශල් බ්‍රැන්ඩ්ලු..  මුංට දැන් ඉරිසියාවෙත් බැහැලු, ඇයි දෙයියනේ මුං වේලෙනවා. අරුන් බොනවා..
බලං ඉන්න බැරිම තැන මැණිකයි උගෙ යාලුවො ටිකයි ගහලා ප්ලැන් එකක්, මුං කරලා තියෙන්නෙ හිස් අරක්කු බෝතලයක් අරං ඒකට කහට දාලා, දැන් අර නුවරිං ආපු උං කිට්ටුව තියං බොනවාලු, කලිං ප්ලැන් කරගත්ත විදියට  2-3 දෙනෙක් යැව්වාලු වැඩකට..

ඔන්න එක පාරටම අර කලින් යවපු සෙට්‍ එක දුවගෙන එනවාලු.. ඒ.... පොලීසියෙන් පොලීසියෙන් කියලා.. ඉතිං මැණිකයි අර කහට බිබි හිටපු අනික් උණුයි දුවන්න අරං.. ඒක දැකපු නුවර උණුත් අර ඔක්කොම ජාති ටික දාලා දුවලා.. ඉතිං රවුමක් ගහං ආපු මැණිකලාගේ සෙට් එක අර නුවර උංගෙ බෝතල් සිගරට් බයිට්‍ටික අරන් උංගෙ කාඹරේට මාරු වෙලා... :D

.........

ඔන්න තව දවසක් ඒත් අර උඩ විදියටම මැණිකලා සෙට් එක වේලෙනවාලු.. කොරගන්න දෙයක්ම නැලු.. බිස්නසුත් අන්තිම සවුත්තුයිලු.. මුංගෙ අතීජාත මිත්‍රයෙක් ඉදලා තියෙනවා හාවා කියලා, (මේ මං හාවා නෙවේ ඕං) කොළඹ හෝටලේක  තමා වැඩ කරලා තියෙන්නෙ.. මේ හොටලේ අයිති සුද්දෙක්ටලු.. ඉතිං මේ සුද්දා හරිම බය එකෙක්ලු අනිවින කොඩිවින කියන දෙවල් වලට.. එදත් මුං ටික ප්ලැන් කරලා සුද්දාව අංදලා ගානක් කඩා ගන්න.. මුං කරලා තියෙන්නෙ කහ නූල් වගේකුයි මල් ටිකකුයි තව පොඩි බෝතලේකුයි ගෙනැල්ලා සුද්ද නිතර යන එන හොටලේ තැනක තියලා..
ඉතිං මේක දැක්ක සුද්දා අම්බානෙක බය වෙලා.. දැන් අර හාවාට දහ අතේ වදිනවාලු මොකක් හරි කරන්ඩ කියලා.. මූ කියලා ආ මේකට අපේ ගමේ නියම ඇදුරෙක් ඉන්නවා.. මං ඌ එක්ක එන්නම් කියලා.. ඉතිං සුද්දත් එක පයින්ම කැමති වෙලා මූට ගමනට යන විය හියදම් එහෙම දීලා  :D
ඉතිං මූ ඕකත් අරන් ඇවිත් මැණිකලා එක්ක හොදට බීලා..
ඉතිං දැන් කොඩිවිනේ කපන්නත් එපැයැ, කෝ ඇදුරෙක් ? මුං කරලා තියෙන්නෙ මැණිකාව ඇදුරා කරලා.. අර සුද්දා දන්නවද ඔය මංතර යංතර ගුරුකම්.. ඉතිං මැණිකා ඇවිල්ලා හෝ ගාලා වැඩ පටන් ගෙන කොඩිවිනේ කපන්න.. ඉතිං ඔහොම පැය භාගයක් විතර බොරුව කරලා.. අන්තිමට වැඩේට 50000 ක් ගත්තාලු..
මුං මාස ගානක් කිසිම කරදරයකින් තොරව ඉදලා තියෙනවා සුද්දාට පිංසිද්ද වෙන්න :D

මං නම් මේ වගේ දංත ඩොකෙක් දැකලම නැ :D

එහෙනම් ඉතිං අපි ගොහින් එන්නම්..
බග්ස් බනී...!!


.

12 comments:

  1. මේකත් අර බීවීගෙන්ම අහපු කතාවක් නේද... ??


    බුවීත් එක්ක උබේ ඇයි හොදයි වැඩියි හොදේ....

    එක්කො කමක් නෑ උඹට හරියනවනම්ම්ම් ... අපිටත් සතුටුයි.. අර නඩුව අහපු වෙලාවෙම මට උඹගැන මාර දුකක් හිතුනා...

    :D :D

    ReplyDelete
  2. අනේ පව් සුදු අප්පුහාමි.... :D

    ReplyDelete
  3. යකෝ අපිද හොයන් කියවන්න ඕනෙ...

    ReplyDelete
  4. දන්ත ඩොකා​ගෙන් බනියත් ටික ටික ඉ​​ගෙන ගන්නවා වගෙයි...

    ReplyDelete
  5. ඌ මැණිකක් වගේ ඩයල් එකක්නේ....

    ReplyDelete
  6. අම්මපා බනියෝ අහපන් ඕකගෙන් මටත් ගුරුකමක් කොරගන්න බැරිවෙයිද කියල... :D

    ReplyDelete
  7. හැබැයි බොල ගුරැකම් කොලත් කලකම් පල දෙයි කියනවා හිකිස්..සිරා වැඩේ !

    ReplyDelete
  8. අපේ එහා ගෙදර මිදුලේ කව්ද අකුරු ඇඳලා ඒ ගොල්ලෝ හොඳටම බය වෙලා තොයිලෙකුත් කරා...අපේ අක්කනං කිව්වේ ඒ මගේ අකුරු වගේ කියලා......හික් හික් හික් ....

    ReplyDelete
  9. හපොයි දෙයියනේ.....හිකිස්....:)

    ReplyDelete
  10. උඹලෑ ගමේ ඉන්නව ඇත්තෙත් උඹල වගේම එවුං නෙව

    ReplyDelete
  11. මාර්ටින් වික්‍රමසිංහයන්ගේ අපේගම කතාවේ ඉන්න නොතාරිස් අප්පුත් කරන්නේ ඔය හාවා කරපු වැඩේම තමා :)

    ReplyDelete

ගල්,මුල්, ඔක්කොම බාරගන්නවා. කුණුහරුප නැතිව ඔන එකක් ලියලා යන්න.