Saturday, January 14, 2012

ගියර් ඔයිල් ??

මේ කතාව ඇවිල්ලා අපේ ගෙදර වැඩ කරන සේවක මහත්තයෙක් කරපු මගෝඩි වැඩක් ගැන කතාවක්..
මේ පොරගේ නම ඇවිල්ලා රත්නපාල.. හැබයි ඔය නම කීවට කවුරුවත් වැඩිය දන්න නමක් නෙවේ. ප්‍රසිද්ද වෙලා තිබ්බෙ "මැණිකා" කියන නමින්.. මැණිකා කිවාට මේකා කෙල්ලෙක් නෙවෙ.. ළමයි දෙන්නෙක් ඉන්න තාත්තා කෙනෙක්..
අපේ ගෙදර අවු 7 තිස්සෙ වැඩ කරනවා.. ඔය රත්ණපාල කියන නම දැනගත්තෙ මම මීට මාස 10 විතර උඩදි තමා.. ඒ කලිං වැඩ කරපු තැන මහත්තයෙක් ඇවිල්ලා රත්ණපාල කියලා ඇමතුව නිසා.. මං බැලුවා කවුද මේ රත්ණපාල කියන්නෙ කියලා.. මේං එනවා ඔලුව කහා කහා මැණිකා :D

ඔය නම කොච්චර ප්‍රසිද්ධ කිවෝත්, ඔන්න මේ මනුස්සයාගෙ ලොකු පුතා.. 1ක වසරට බාර දෙන්න ඉන්ටර්වීව් එකට ගියාලු, ලොකු සර් අහනවාලු පුතා.. පුතාගෙ තාත්තාගේ නම මොකක්ද කියලා.. කොල්ලා ගත් කටටම කිවාලු මැණිකා කියලා :D

කොච්චර මගෝඩි වැඩ කලත් හරිම හොද මනුස්සයෙක්.. හැබැයි බිව්වාම නම් ගන්න දෙයක් නැ අපි එවෙලෙට කියන්නෙ පෙත්තප්පු කියලා.. ඇගිල්ලෙන් ඇන ඇන කතා කරන්න එන්නෙ..
ඒ වගේම තමා ඔනි දෙයක් ටික් ගාලා ඉගෙන ගන්න දක්ශ කමක් තිබ්බා.. රටපුරාම ගිහිල්ලත් තිබ්බා.. එක එක ආයතන වල වැඩ කරලත් තිබ්බා

කොළඹ පේමන්ට් එකේ
බංඩාරවෙල කඩේක
අපේ ගමේ ලයිට් කණු හදන කෙනෙක් ලග
මිණී පෙට්ටි සාප්පුවක
ජර්මන් ටෙක් එකේ කැන්ටිමේ
හලාවත පැත්තෙ කඩේක
ලයිට් කණු ගෙනියන 10 වීල් ක්‍රේන් එකක
මැලිබන් බිස්කට් ඒජන්සියක
ගමේ ලැන්ඩ් මාස්ටරයක
ආයෙ කොළඹ බේකරියක
දැන් ඔය අන්තිමට ඇවිල්ලා ඉන්නෙ අපේ ගෙදර..

ඉතිං පුදුම අත්දැකීම් සම්බාරයක් තියෙන මනුස්සයෙක්..  ඉතිං මෙහෙම කටු කාපු මනුස්සයා මීට මාස කීපයකට කලිං ගෙනවා ත්‍රීවීල් එකක්, ඒ තමංගේ නෝනාගෙ මොකක්දෝ පඩියකින් මොනා හරි ජිල්මාට් එකකුක් දාලා ෆිනැන්ස් එකකුත් දාලා වාරික වශයෙන් ගෙවන්න තමා අරන් තිබ්බෙ.. ඉතිං මේක ගෙනැල්ලා ඉන්ශුවරන්ස් කරපු දවසට පස්සෙ දවසේ කඩේකට යන්න ඇවිත්, ගිහින් එන ගමන් වාහනේ වංගුවකදි අනික් පැත්ත ගහලා,, සයිඩ් එක චප්ප වෙලා තිබ්බා..
ආයෙ මාසෙකින් විතර ගල් වැටක හප්ප ගත්තා.. ආයේ තව ත්‍රීවිල් එකක මජ්ගාඩ් එකේ හප්ප ගෙන ගිහින් තිබ්බා.. පිටි පස්ස තලාගෙන ගෙදර ගැරජ් එකට දාන දාන හැම පාරකම... ඉන්ශුවරන්ස් එකේ උන්ටත් එපා වෙලා බනිනවාලු :D
මේ ඔක්කොම බේබදුකම නිසා, මොකද ඔය හැම එකක්ම වෙලා තියෙන්නෙ බීලා ඉන්න වෙලාවක..

ඉතිං මේ ලගදි මම ගියා මේ මනුස්සයලාගෙ ගෙවල් පත්තෙ.. ගෙවල් පැත්ත කියන්නෙ අපේ තාත්තාගෙ ගම ඉතිං ඒක.. මං බාප්පලාහාට ගිහින් එන ගමං මැණිකලහාටත් ගොඩ උනා.. ගියපු ගමං මේකා කියාපි.. පුතෙ බලන්නකො ත්‍රීවිල් එකෙන් අමුතු සද්දයක් එනවා.. මට නිකං අමුත්තක් දැනෙනවා කියලා.. මං කිවා එහෙනම් තෙල් අඩු ඇති බලන්න කියලා මං ගෙදර ආවා. ඒත් මේකා තෙල් බලලා නැ. ඊට පහු වෙනිදාම ටොකොස් ගාලා සද්දයක් අවාලු , වාහනේ නැවතිලා.. කොම හරි තල්ලු කරං ඇවිල්ලා ගැරජ් එකකටම දාලා.. ගලවද්දි වාහනේ එන්ජින් oil කලදක් නැලූ.. පිස්ටන් rings ඔක්කොම කැඩිලා.. බොර් එකත් කපාගෙන ගිහිල්ලා.. ලොකු වියදමක් කරලා හදලා.. ඊට පස්සෙ ක්ලච් ප්ලෙට් එහෙම දාලා, පිස්ටන් දාලා වාහනේ හදනවාලු, දැන් මේකට මාර කම්මැලි කමක් ඇවිල්ලා කොහොම හරි බොන්න යන්න ඔනිලු.. ඒත් සල්ලිත් නැලු.. වාහනේ හැම කෑල්ලකටම වියදම් කරන්නෙ නෝනාගෙ සල්ලි වලින්ලු..
බැරිම තැන මෙයා වාහනෙ හදන පොරට කියලා මල්ලි ගෙදර ගිහින් එන්නම්.. උඹ ඕක හදපං කියලා.. ගෙදර ඇවිත් නොනාට කියනවාලු

මැණිකා: මේ ඒයි.. වාහනේට ගියර් ඔයිල් ගේන්න අමතක උනානේ
ඒයි: ආ දැන් අර මං ඔයිල් අරන් දීලා ආවෙ ?
මැණිකා: ඒ මොනදා ඒ.. ඒ එන්ජිං ඔයිල්නෙ.. දැන් ඔනි ගියර් ඔයිල්
ඒයි: හරි දැන් කියක් යනවද ?
මැණිකා: 350 ක් වත් යයි ඉතිං..
ඒයි: මොනා කරන්නද ආ අරන් ගිහින් දාන්න..

ඉතිං මැණිකා රු 350 අරන් ඇවිල්ලා ඒකෙන් හොදට බීලා :D

ඊට අල්ලපු ගෙදර ඉන්නෙ වම්බොට්ටා කියලා කොල්ලෙක්.. මූ අවාලු මැණිකා හොයාගෙන.. අර නැන්දාගෙන් ඇහවාලු කෝ මැණිකා කියලා.. අන්න ගියර් ඔයිල් ගේන්න ගියා කිවාලු
වම්බොට්ටා අහලා මොකටද ගියර් ඔයිල් කියලා.. ඉතිං විස්තරෙ කිවාම නැන්දට පස්සෙ තමා සීන් එක තෙරිලා තියෙන්නෙ.. ත්‍රීවිල් වලට ගියර් ඔයිල් දාන්නෙ නැහැනෙ.. ඉතිං ගෙදර ආවාම හොදට දෙහි කපලා.. :D

මේ මනුස්සයාගෙ කතා ලියනවා නම් මට වෙනම "මැණිකා" කියලා බ්ලොග් එකක් පටන් ගෙන ලියතැහැකි :D ඒ තරමට රස කතා තියෙන මනුස්සයෙක්.. මේ කතාවත් මට අද කීවෙ.. කොච්චර මගෝඩි වැඩ කලත් ලැජ්ජ නැතිව එව්වා කියන අපූරුව තමා මරු :D


.............


මේ කතාව ඇවිල්ලා අපේ අයියා කීවේ.. අයියාගෙ ශොප් එකට ආවාලු මනුස්සයෙක්.. අනේ මල්ලි මට ජොබ් එකක් හොයලා දෙන්ටකෝ කියලා.. ඉතිං හා අයියා මම් බලන්නම් කියලා අයියත් පොරොන්ද උනාලු.. ඉතිං ඔන්න අයියාගෙ යාලු ඩොකෙක්ට කතා කරලා.. ඩොකා කැමති වෙලා වාහනේ ඩ්‍රයිවර් හැටියට ගන්න.. ඉතිං අර පොරට කිවාම හෙන හැෆීලු.. ඉතිං ජොබ් එකට ගිහින් පලවෙනි දවසේම.. ඩොකා ඇහුවාලු ඩ්‍රයිවර් උන්නැහැහේ වාහනෙ තෙල් වතුර බැලුවද කියලා.. මේ මනුස්සයා ඔව් කියලා..
ඔහොම දවස් 2-3 ක්ම ඇහුවාලු.. හරි මහත්තයා ඔක්කොම හරී කියනවාලු.. එත් කවදාවත් ඩොක්ටර් දැකලා නැලු තෙල් බලනවා.. දවසක් ඩොක්ට උදේ වැඩට යන්න එන්න කලිං උදේ කිවාලු අරින්න බලන්න බොනට් එක කියලා, ඉතිං මෙයා ඇරලා දොර.. ඩොක්ටර් කිවාලු ගන්නවා බලන්න oil කූර කියලා..
ඉතිං අර අංකල් ටිකක් වෙලා ඔලුව කසලා.. ඩොක්ටර්ගෙන් හෙමීට අහනවාලු.. ඩොක්ටර්.. කොහෙද මේකෙ ඔයිල් කූර තියෙන්නෙ කියලා..
*&#(*@^#*@&@#)@#@*&#^@%#

ඩොක්ටර් කියපු ටික අයියා මට කීවෙ නැලු :D

පස්සෙ ඔය ඩොකා ඇවිල්ලා අපේ අයියට කැ ගහලා.. බලපං උඹ කල වැඩේ මරු පොරක් තමා මට එව්වෙ කියලා..
එදායින් පස්සෙ අයියා කාටවත් ජොබ් නම් හොයලා දුන්නැලු..
..........


එහෙනම් ගිහින් එන්නම්
Bunny...෴



.

19 comments:

  1. මේක උඹට වෙච්ච දෙයක් නෙමෙයි නේද ??? D

    ReplyDelete
  2. බනී මැණිකාටත් ​හදලා දියන් බ්ලොග් එකක් බං... පොර අපුරවට ලියයි. උඹමනේ කිව්වේ ඕනේ දෙයක් ඉගෙන ගන්න පුළුවන් කියලා...

    ReplyDelete
  3. මැනිකා ගේ ගෑනිගෙ නම මොකක්ද ?

    ReplyDelete
  4. මැණිකා කියන්නේ බනියටද දන්නේ නෑ ඕං මැණිකා කියලා බ්ලොගක් පටන් ගත්තොත් ඒ බනියා තමා...

    බනියෝ මේ සැරේ බක් මහ ගෙට්ටුව නුවරට ගෙනියන්න බැරිද????

    ReplyDelete
  5. ඔය ඔයිල් බලන වැඩේනං උනේ බනිය හයිබ්‍රිඩ් එක ගෙනාවට පස්සෙලු.

    ReplyDelete
  6. ඕකනෙ කියන්නෙ ගෑණු උදවිය අන්දන්න පුළුවන්.. බනියව වගේම

    ReplyDelete
  7. මෙය බනියට උණු දෙයකි..මට එය සුවර්ය..

    ReplyDelete
  8. ලී මෝල ගැන කිව්ව, හයිබ්‍රිඩ් එක ගැන කිව්ව, දැං ගෙදර වැඩට ඉන්න උන් ගැනත් කියනව ඒත් මේ කෙල්ලොන්ට මෙලෝදෙයක් තේරෙන්නෙ නැති හැටි නේද?

    ReplyDelete
  9. එන්ජිම වගේද ගියර් එක නේද?ලොල්

    ReplyDelete
  10. හරි සෝක් මැණිකා තමා උඹලට සෙට් වෙලා තියෙන්නෙ..

    ReplyDelete
  11. හිකිස්.. මාර මිනිහෙක්නෙ හප්පා.. තව කතා දෙක තුනක් වත් ලියහන්.. :)

    ReplyDelete
  12. හික් හික්, මැණිකා තමා දවසකටවත් මිනිහ අෆ්ෆා...

    ReplyDelete
  13. මාර මිනිහෙක්නෙ "මැණිකා"

    ReplyDelete
  14. මැණිකා ට දුවලා එහෙම නැද්ද දන්නේ නෑ..!!

    ReplyDelete
  15. මේක උඹට වෙච්ච දෙයක් නෙමෙයි නේද ??? D

    ReplyDelete
  16. අපොයි ඔය එක එක අයට ජොබ් හොයලා දීමනම් හරිම භයානක වැඩක්..

    ReplyDelete
  17. උඹ නම් දන්නවා ඇති නේ ඔයිල් කූර තියෙන තැන... :D

    ReplyDelete
  18. ඔයිල් නම් කලට වෙලාවට මාරු කරන්න ඕනි... උබ දන්නවනේ ඔයිල් මාරු කරන්න...

    ReplyDelete

ගල්,මුල්, ඔක්කොම බාරගන්නවා. කුණුහරුප නැතිව ඔන එකක් ලියලා යන්න.