Friday, November 18, 2011

තාප්පෙ මගේ...!!

මේකත් රහ කතාවක්.. මොකදෝ මංදා ඩැඩී බැන්ඩ් එකේ අලුත් සිංදු ටික අහද්දි මට එක එක කතා මතක් වෙනවා.. හැබැයි කිසිම ගැලපීමක් නැ සිංදු ටිකට... හික්හික් :D

මේකයි කතාව. .
ඔන්න ඉස්කොලේ මහත්තයෙක් උන්නාලු හොදද.. එහෙම කිවාම මතක් වෙන්ටොන.. රු 100 ක් වගේ පර්ස් එකේ දාගෙන ඉන්න, සපත්තු දාලා  දිග කලිසම ගහලා ශර්ට් එක ඇදපු ඉස්කොලෙ මහත්තුරු නෙවෙ.. අර නැශණල් එක සිංහලෙන්ම කිවොත් ජාතික ඇදුම ඇදගෙන ඉස්කොලෙ එන්නෙ ඉස්සර කාලෙ.. (මං නිකන් දැකලා වගේ කතාව;) හික් හික්..
අන්න එහෙම මහත්තයෙක් හරිද..  ඉතිං මේ මහත්තයාගේ ගෙදර තාප්පෙ සුදුම සුදු පාටයි ලස්සනට තිබ්බාලු.. හරිම චාම් මනුස්සයෙක් නිසා ලස්සනට සුදු පාටට පිංතාරු කරලා තමා තිබිලා තියෙන්නෙ..

ඔන්න දේශපාලණ සමයක් අවාලු.. ඔය ලොක්කා හොයන වැඩේ.. "ජනාදිපතිවරණය.." ඉතිං ගමේ කොල්ලන්ටත් ඔය උණ ගැහැව්වාලු..
උදේ පාන්දර ස්කොලේ මහත්තයා දත් බුරුසුවත් කටේ ගහගෙන පාර පැත්තට අවාලු..

ස්කොලේ මහත්තයාගෙ කටේ තිබ්බ බුරුසුව බිම වැටිලා අෆෝයි ගැවුනාලු.. අර සුදුම සුදු පාට තාප්පෙ කාලු පාටට ලොකුවට ලියලාලු..
ජේ.ආර්. අපිට.... අපි ජේ.ආර්. ට.....

දැන් ඉතිං මොනා කරන්නද කියලා ස්කොලෙ මහත්තයා තරහා ගන්නෙත් නැතිව ආයෙ හුණු පැකට් එකක් ගෙනැල්ලා තාප්පෙ ගාලා දම්මාලු.. කැත යන්න..

ඔන්න ඊට පහු වෙනිදා උනාලු.. කෝකටත් කියලා ගිහින් තාප්පෙ දිහා බැලුවාලු.. හත් වලාමේ අදත් ලියලා.. මොකක්ද ?
ජේ.ආර්. අපිට.... අපි ජේ.ආර්. ට.....
 
ඉස්සර ඉස්කොලෙ මහත්වරු හරි නිහතමානි අහිංසක උදවිය නේ ඉතින් තරහා ගන්නෙ නැතිව ආයෙ කලින් වගේම හුණු ගාලා දැම්මාලු..  
ඔන්න ඒ දවස ගෙවිලා ගිහින් රැ වෙලා නිදාගෙන පාන්දර නැගිටලා නිකමට වගේ ගිහින් බැලුවාලු තාප්පෙ ආයෙ මුකුත් ලියලද කියලා.. හිතුවා වගේම හරියටම හරිලු ආයෙ ලොකුවට ලියලාලු කලින් වගේම... 
ජේ.ආර්. අපිට.... අපි ජේ.ආර්. ට.....
 දැන් නම් ඔන්න ඉස්කොලේ මහත්තයාගෙ ඉවසීමේ සීමාව අන්තිමට ඇවිල්ලා සූස්.... ගාලා සද්දෙකුත් අවාලු අර සිංදු කියන කේතලෙන් වගේ.. දැන් කරකියා ගන්න දෙයක් නැතිව කල්පනා කර කර ඉන්න කොට අවාලු මරු අයිඩියා කැල්ලක්. කලින් වගේම හුණු ටිකක් ගෙනැල්ලා තාප්පෙ ගාලා ඒක උඩින් ලිවාලු ලොකුවට මෙන්න මෙහෙම..
ජේ.ආර්. තොපේ.. තාප්පෙ මගේ...

ආයෙ කොල්ලො කවදාවත් තාප්පෙ මුකුත් ලියන්න අවේ නැහැලු :D

එහෙනම් හැමෝටම සුභ අනාගතයක් හොදේ ;-)


PirateBunny෴

.
.
.

14 comments:

  1. බ්ලොග් එක උඹේ, කමෙන්ට්ස් අපේ :))

    ReplyDelete
  2. හික් ලොවෙත් නෑ

    ReplyDelete
  3. දැන් නම් ලියන්නේ " මහ රාඅ කෙලිය නේද තාප්පෙට " කියලලු...

    ReplyDelete
  4. ඔය එක ගමක අපේක්ෂකයො දෙන්නෙක් ඉදිරිබත් උනාලු! එ් ගැන පෝස්ටරයක් ගියාලු

    උෟත් බල්ලා මූත් බල්ලා
    අපේ ඡන්දේ ගමේ බල්ලට

    ReplyDelete
  5. ඔය කතාවම මම අහලා තියෙන්නේ 1988 -89 කාලේදී සහෝදරවරු රෑට රෑට ඇවිත් ගමේ කඩේක බිත්තියේ ලියලා යනවලු 'යුක්තිය අපේ' කියලා. මුදලාලි උදේට මකනවලු. රෑට ආයෙත් ලියනවලු. බැරිම තැන මුදලාලි ලිව්වලු '. . ගේ පුතෝ බිත්තිය අපේ' කියලා

    ReplyDelete
  6. අර හාමුදුරුවෝ සහ ලී මෝලේ කතාව මතක් උනා . .

    ඇයි බන් අර බනියලගේ ලී මෝල කියලා හිතලා රෑ තිස්සේ කවුද පන්සලේ හාමුදුවන්ට කතා කරලා . .

    "මේ බනියලගේ ලී මෝලද?" කියලා අහලා තුන් හතර පාරක් ම

    "නෑ පින්වත මේ පන්සලක්" කියලා රිප්ලයි කරලා පස් වෙනි පාරත් කෝල් එක ආවහම

    "ඔව් බනියලගේ ලී මෝල තමා ඇයි තොට XX ඉරා ගන්න ඕනද??" කියලා අහපු කතාව බන් . .

    හික් හික් හික්

    ReplyDelete
  7. අනේ මන්ද ඉතින්...මටත් අර හසිය කියපු එකම කියන්න තමා හිත

    ReplyDelete
  8. වෙලාවට අපිටනම් නෝ තාප්ප...

    ReplyDelete
  9. හසිත කියපු කතාවත් එක්ක මාත් ඉන්නවෝ..

    ReplyDelete
  10. පෝස්ට් එකත් චෝක්... කමෙන්ට් ටිකත් චෝක් ! හිකිස් ...

    ReplyDelete
  11. ජේ.ආර්. තොපේ.. තාප්පෙ මගේ...
    හික්ස්...!

    ReplyDelete
  12. බනියා මේකට උම සම්බන්ධයිද?

    ReplyDelete

ගල්,මුල්, ඔක්කොම බාරගන්නවා. කුණුහරුප නැතිව ඔන එකක් ලියලා යන්න.